सुदूरपश्चिम प्रदेश जनस्वास्थ्य संघको पैरवी कार्यक्रम

धनगढी, ३० असार २०७८

नेपाल जनस्वास्थ्य संघ सुदूरपश्चिम प्रदेश समितिले जनस्वास्थ्य सम्बन्धि बहस तथा पैरवी कार्यक्रम सम्पन्न गरेको छ ।

सुदूरपश्चिम प्रदेश स्वास्थ्य निर्देशनालय राजपुर डोटीको आर्थिक सहयोगमा सुदूरपश्चिम प्रदेशमा स्वास्थ्य क्षेत्रका क्रियाशील संघ , संगठन तथा सरोकारवाला निकायहरुको उपस्थितिमा प्रदेश जनस्वास्थ्य ऐन , प्रमुख स्वास्थ्य सूचकांक र हालै मात्र ड्राफ्ट भएको प्रदेशको ओ एन एम सर्भेक्षणको बिषय लाइ केन्द्र बिन्दु बनाएर बहस तथा पैरवी कार्यक्रम सम्पन्न भएको हो ।

माननीय सामाजिक बिकास मन्त्री श्री लाल बाहादुर खड्का ज्यू को प्रमुख आतिथ्यता र मानानिय सामाजिक बिकास राज्य मन्त्री श्री मना कुमारी साउँदको विशिष्ट आतिथ्यतामा संचालित कार्यक्रममा स्वास्थ्य सेवा बिभागका भूतपुर्व महानिर्देशक डा. लक्ष्मी राज पाठकको समेत उपस्थिति रहेको थियो भने कार्यक्रमको अध्यक्षता नेपाल जनस्वास्थ्य संघ सुदूरपश्चिम प्रदेश समितिका सचिव तथा स्वास्थ्य कार्यालयका प्रमुख श्री शिव राज सुनारले गर्नु भएको थियो ।

कार्यक्रमका प्रमुख अतिथि माननीय सामाजिक बिकास मन्त्री श्री लाल बहादुर खड्काज्यूले प्रमुख अतिथिको आशनबाट सम्बोधन गर्दै सुदूरपश्चिम प्रदेशको स्वास्थ्य सेवालाई प्रभावकारी र उत्कृष्ट बनाउन एबम् आधारभूत स्वास्थ्य सेवा र आकस्मिक स्वास्थ्य सेवालाई आवश्यकता भएका व्यक्ति सम्म कसरि पुगाउन सकिन्छ भनि मन्त्रालय प्रयासरत रहेको कुरा बताउनु भएको छ ।

साथै आगामी दिनमा मन्त्रालय बाट बन्ने स्वास्थ्य सम्बन्धि ऐन, नियम , नियमावली , कार्यविधि तथा निर्देशिकाहरु बनाउदा स्वास्थ्य सेवाको पहुँचमा नपुगेका मानिसहरुलाइ लक्षित गरि बनाउने र स्थानीय तह संगको समन्वय , सहकार्य र सहयोग बढाएर मात्र प्रदेश सामाजिक बिकास मन्त्रालय अगाडी बढ्ने कुरा बताउनु भएको छ ।

कार्यक्रमका विशिष्ट अतिथि सामाजिक बिकास राज्य मन्त्री श्री मना कुमारी साउँदले स्वास्थ्य सेवाले बञ्चितिमा परेका समुहलाई समेट्न सक्ने गरि कार्यक्रम तय गर्नु पर्ने र बर्ग विश्लेषण सहित आवश्यकता पहिचान गर्नुपर्ने कुरामा जोड दिनु भएको छ ।

कार्यक्रममा Virtual माध्यमबाट जोडिनु भएका स्वास्थ्य निर्देशक डा. गुणराज अवस्थीज्यूले समेत प्रदेशको स्वास्थ्य सेवा नमुना बनाउनको लागि समयमै काम हुनु पर्ने , निर्धारित सेवाहरु लक्षित समुदायसम्म पुग्नु पर्ने र यो सबै काम को लागि स्वास्थ्यकर्मिहरुले दत्तचित्त भएर काम गर्नुपर्ने कुरामा जोड दिनु भएको छ । आफुले संघ , प्रदेश र स्थानीय तह संग समन्वय गरि स्वास्थ्य सेवाका लक्ष्य हाशिल गर्नका लागि काम गरिरहेको समेत बताउनु भएको छ ।

बहस तथा पैरवी कार्यक्रममा स्वागत मन्तब्य प्रदेश जनस्वास्थ्य संघका कोषाध्यक्ष श्री जानकी पराजुली मिश्र र कार्यक्रमको सन्चालन संघका सचिव श्री अशोक कुमार जोशीले गर्नु भएको थियो । कार्यक्रममा प्रदेश जनस्वास्थ्य संघका अध्यक्ष श्री दयाकृष्ण पन्तले Virtual माध्यम बाट शुभकामना मन्तब्य राख्नु भएको थियो ।