रामेछाप, १० पुष २०८१
बागमती प्रदेश सरकार स्वास्थ्य मन्त्रालयले रामेछाप अस्पताल सञ्चालन तथा व्यवस्थापन समितिको अध्यक्षमा यम कुमार पाख्रीनलाई पुनः दोस्रोपटक मनोनित गरेको छ ।
स्वास्थ्य मन्त्रालयको मन्त्री स्तरीय निर्णयले अस्पतालको अध्यक्षमा समाजसेवी पाख्रीनलाई नियुक्त गरेको हो।
प्रदेशको स्वास्थ्य सेवा ऐन २०७५ पहिलो संशोधन २०८१ को दफा २६ ख. उपदफा २ को काम कर्तव्य अधिकार बमोजिमको कार्य सम्पादन गर्ने दफा २६क. उपदफा (९) बमोजिमको पदावधि कायम हुने गरी दफा २६क. उपदफा (२) बमोजिम पाख्रीनलाई रामेछाप अस्पताल सञ्चालन तथा व्यवस्थापन समितिको अध्यक्षमा मनोनित गरेको हो ।
रामेछाप अस्पतालले प्रवाह गर्ने सेवामा विस्तार तथा थप प्रभावकारी बनाउने अध्यक्ष पाख्रीनले बताउनुभयो। ‘पछिल्लो समय रामेछाप अस्पतालले सेवा विस्तार तथा प्रविधिको क्षेत्रमा फड्को मारेको छ । विशेषज्ञसहितको सेवाहरु प्रवाह भइ रहेका छन् । तर आम नागरिकको अपेक्षा पनि बढी रहेको छ’ उनले भने– ‘स्वास्थ्य समस्या हुँदा रामेछाप अस्पताललाई विरामीको रोजाई र विश्वासिलो स्वास्थ्य संस्था बन्ने गरी काम गर्छाैं ।’
