काठमाडौं, १३ भाद्र २०८१
कीर्तिपुरस्थित त्रिभुवन विश्वविद्यालय जनस्वास्थ्य केन्द्रीय विभाग (CDPH) ले आफ्नो नवनिर्मित भवनमा भव्य समारोहका विच छैठौं वार्षिकोत्सव मनाएको छ ।
वार्षिकोत्सब कार्यक्रममा लगभग २५० जना भन्दा बढी सहभागीहरूले भाग लिएका थिए। जसलाई तीन मुख्य खण्डहरूमा विभाजित गरिएको थियो । औपचारिक सत्र, एक वैज्ञानिक सत्र र एक सांस्कृतिक कार्यक्रम रहेको थियो।
औपचारिक सत्रको अध्यक्षता जनस्वास्थ्य केन्द्रीय विभागका प्रमुख प्राध्यापक डा. आमोदकुमार पौड्यालले गरेका थिए । कार्यक्रममा राष्ट्रिय योजना आयोगका उपाध्यक्ष माननीय प्रा. डा. शिवराज अधिकारी प्रमुख अतिथि रहेका थिए ।
औपचारिक सत्रको कार्यक्रमका अध्यक्ष प्रा. डा. आमोद कुमार पौड्याल लगायत विशिष्ट अतिथिहरु माननीय प्रा. डा. शिवराज अधिकारी राष्ट्रिय योजना आयोगका उपाध्यक्ष, प्रा. डा. खड्गा केसी त्रिभुवन विश्वविद्यालयका रेक्टर, प्रा. डा. घनश्याम भट्टराई अध्यक्ष त्रिवि सेवा आयोग, प्रा. डा. दिव्या सिंह शाह इन्स्टिच्युट अफ मेडिसिनका डीन र प्रा. डा. सुजनबाबु मरहट्ठा निर्देशक योजना, समन्वय तथा शैक्षिक स्तरोन्नति, चिकित्सा शिक्षा आयोग (MEC) को उपस्थिति रहेको थियो ।
वक्ताहरुले नेपालमा जनस्वास्थ्यको महत्व, चुनौति र भविष्यका सम्भावनाहरूलाई सम्बोधन गर्दै यस क्षेत्रलाई अगाडि बढाउन विश्वविद्यालयको महत्वपूर्ण भूमिकामा जोड दिए । उनीहरुले जनस्वास्थ्यको महत्वमा जोड दिँदै जनस्वास्थ्य केन्द्रीय विभागलाई त्रिभुवन विश्वविद्यालय अन्तर्गतको स्कुल अफ पब्लिक हेल्थमा स्तरोन्नति गर्न आवश्यक रहेको बताए ।
नेपालमा जनस्वास्थ्यको विकास तथा अनुसन्धानमा फोकस गर्न सकेमा अस्पताल र बिरामीको उपचारमा हुने खर्च कटौती भै विकासमा लगानी बढाउन सकिने र जनतालाई स्वस्थ बनाउन सकिने कुरामा जोड दिए ।
कार्यक्रममा CDPH को बैज्ञानिक पत्रिका (Scientific Journal), “नेपाल जर्नल अफ पब्लिक हेल्थ” को विमोचन पनि गरिएको थियो। जर्नलका प्रधान सम्पादक डा. खेमबहादुर कार्कीले जनस्वास्थ्य अनुसन्धान र ज्ञानमा यसको महत्व र सम्भावित योगदानलाई प्रकाश पारे।
थप रूपमा कार्यक्रमले उत्कृष्ट प्रदर्शन गर्ने CDPH विद्यार्थीहरूको उपलब्धिहरूलाई मान्यता दियो, जसमा उनीहरूको शैक्षिक उत्कृष्टताको लागि पुरस्कृत गरियो।
औपचारिक कार्यक्रमको अतिरिक्त, कार्यक्रममा एक वैज्ञानिक सत्र पनि थियो जहाँ राष्ट्रिय र अन्तर्राष्ट्रिय प्रतिनिधिहरूले जनस्वास्थ्यका विभिन्न पक्षहरूमा आफ्नो अनुसन्धान प्रस्तुत गरे। CDPH का विद्यार्थीहरूले पोस्टर प्रस्तुतीकरण र स्वास्थ्य प्रदर्शनी मार्फत पनि आफ्नो काम प्रदर्शन गरे।
CDPH का विद्यार्थीहरूले प्रस्तुत गरेको जीवन्त सांस्कृतिक कार्यक्रमको साथ वार्षिकोत्सव समारोहको समापन भयो।
CDPH को छैठौ वार्षिकोत्सव एक सफल कार्यक्रम जसले जनस्वास्थ्य र शैक्षिक उत्कृष्टताप्रति विभागको प्रतिबद्धता देखाएको थियो।
