ललितपुर, २७ कात्तिक २०८२
नेपाल न्युरोसर्जन नेपाल (नेप्लिज सोसाइटी अफ न्युरोसर्जन्स) को १२ औं राष्ट्रिय सम्मेलन तथा ५ औं अन्तर्राष्ट्रिय सम्मेलन भोलि देखि ललितपुरमा शुरु हुने भएको छ।
EANS-NESON अन्तर्राष्ट्रिय सम्मेलन २०२५ को अवसरमा १३ नोभेम्बर देखि १५ नोभेम्बर अर्थात कात्तिक २८ र २९ गते सम्म ललितपुरको द प्लाजा होटेलमा आयोजना हुने भएको हो।
यो अन्तर्राष्ट्रिय सम्मेलन नेप्लीज सोसाइटी अफ न्युरोसर्जन्सका अध्यक्ष डा. यमबहादुर रोका, महासचिव डा. गोपाल सेढाई र वैज्ञानिक संयोजक डा. सुदन ढकालको नेतृत्वमा आयोजना गरिएको हो।
यो सम्मेलनले विश्वभरका न्यूरोसर्जन, अनुसन्धानकर्ता र प्रशिक्षार्थीहरूलाई एउटै मञ्चमा एकत्रित गर्दै, न्यूरोसर्जरीको ज्ञान, अनुसन्धान, र उपचार प्रविधिलाई नयाँ उचाइमा पु-याउने साझा उद्देश्यका लागि प्रेरित गर्ने समाजका महासचिव डा. गोपाल सेडाईले बताउनुभयो ।
न्युरोसर्जन समाजले तयार पारेको वैज्ञानिक कार्यक्रम Scientific Program ले वर्तमान न्यूरोसर्जरीका सबै उपविशेषज्ञताहरूको नवीनतम उपलब्धि, चुनौती, र सम्भावनाहरू समेट्दै, एक समृद्ध र बहुआयामिक शैक्षिक अनुभव प्रदान गने समाजका अध्यक्ष डा. यम बहादुर रोकाले बताउनुभयो ।
कार्यक्रममा अत्याधुनिक व्याख्यानहरू, विशेषज्ञ प्यानल छलफलहरू र अन्तरक्रियात्मक सत्रहरू समावेश गरिएका छन्, भने जसले सहभागीसँग प्रत्यक्ष संवाद र सीप आदानप्रदानलाई प्रोत्साहित गर्ने डा. रोकाले बताए।
सम्मेलनको पूर्व-सम्मेलन कार्यशाला श्रृंखलामा एन्डोस्कोपिक स्पाइन सर्जरी, फंक्शनल न्यूरोसर्जरी, र माइक्रोभास्कुलर एनास्टोमोसिस समावेश छन्, जसले सहभागीहरूलाई अनुभवी विशेषज्ञहरूको प्रत्यक्ष मार्गदर्शनमा आफ्ना प्राविधिक कौशलहरू परिष्कृत गर्न दुर्लभ अवसर प्रदान गर्न अन्तर्राष्ट्रिय सम्मेलनका बैज्ञानिक संयोजक डा. सुदन ढकालले जानकारी दिनु भयो।
डा. ढकालका अनुसार सम्मेलनमा
१४३ बक्ताले कार्यपत्र प्रस्तुत गर्नेछ्न। सम्मेलनमा राष्ट्रिय ८७ जना र अन्तराष्ट्रिय ५६ चिकित्सक हुनेछ्न भने १६३ वैज्ञानिक लेखहरू प्रस्तुत हुने र सेसन ३० वटा रहेका छ्न।
यो सम्मेलनमा युरोपेली राष्ट्रहरू सहित ब्राजिल, भारत, इंडोनेशिया, चीन, फिलिपिन्स, ताइवान, इजरायल, सिंगापुर, श्रीलंका, भू यमन, बेलायत र मलेसियाबाट वक्ताहरू सहभागी हुनेछन्।
यो सम्मेलनलाई युरोपियन सोसाइटी अफ न्युरोसर्जिकल सोसाइटी (EANS), एसियाली-अस्ट्रेलासियन सोसाइटी अफ न्यूरोलोजिकल सर्जन्स (AASNS), वर्ल्ड फेडेरेसन अफ न्युरोसर्जिकल सोसाइटी (WFNS), न्यूरोलोजिकल सोसाइटी अफ इण्डिया (NSI), क्लिनिकल न्यूरोसाइन्स सोसाइटी (CNS), सोसाइटी अफ ब्रिटिश न्यूरोलोजिकल सर्जन्स (SBNS) र इन्टरनेश्यनल सोसाइटी फर पेडियाट्रिक न्युरोसर्जरी (ISPN) प्रतिष्ठित संघ संस्थाहरूले समर्थन गरेका छ्न।
यी तथ्याङ्कहरूले सम्मेलनको विविधता, समावेशिता र अन्तर्राष्ट्रिय सहभागितालाई प्रतिबिम्बित गर्छन्। नेपालका युवा चिकित्सक र अनुसन्धानकर्ताहरूका लागि यो एक उत्कृष्ट अवसर हो विश्वस्तरीय विशेषज्ञहरूसँग प्रत्यक्ष अन्तक्रिया गर्दै नयाँ सीप, ज्ञान, सीप र दृष्टिकोण सिक्ने जनाइएको छ।
