काठमाडौं, ३० मंसिर २०८१
नेपाल औषधि तथा बिक्री प्रतिनिधि संघ काठमाडौं (NMSRA) इकाईको अध्यक्ष पदको लागि कोष राज अवस्थीले उम्मेदवारी दिने भएका छन् ।
संघको वर्तमान उपाध्यक्ष अवस्थीले नेपाल औषधि तथा बिक्री प्रतिनिधि संघमा बिगत १२ वर्ष देखि औषधिको क्षेत्रमा कृयाशिल रहेर महत्त्वपूर्ण योगदान पुर्याउदै आएको बताए। यस अघि पनि उहाँले संघको सदस्य, कोषाध्यक्ष र उपाध्यक्ष पदको जिम्मेवारी समेत बहन गरिसकेका छन् ।
यो चुनाव औषधि क्षेत्रका लागि महत्वपूर्ण मानिएको छ। अवस्थीले आफ्नो नेतृत्वमा संघलाई थप सशक्त र प्रभावकारी बनाउने प्रतिबद्धता व्यक्त गरेका छन्।
अवस्थीले संघमा रहेर सुदृढ विकास, सदस्यहरूको हकहितको संरक्षण र औषधि क्षेत्रमा सुधारका योजनासहित आफ्नो उम्मेदवारी प्रस्तुत गरेका छन्। निर्वाचन आउँदो पुष ६ गते नेपाल प्रज्ञा प्रतिष्ठान, कमलादीमा हुनेछ।
