काठमाडाैं, ६ फागुन २०८१
स्वास्थ्य तथा जनसंख्या मन्त्रालयले सन्चालन गरेको पाठेघर मुखको क्यान्सरबाट बचाउने उद्देश्यले स्वास्थ्य तथा जनसंख्या मन्त्रालयले सञ्चालन गरेको एचपिभी खोप लगाउने आज अन्तिम दिन हो । माघ २२ गते सुरु भएको अभियान आजसम्म चल्ने मन्त्रालयले जनाएको छ ।
अभियानमा शनिबार सम्म आईपुग्दा १३ लाख किशोरीले खोप प्राप्त गरेको स्वास्थ्य सेवा विभागको परिवार कल्याण महाशाखा प्रमुख डा. विवेककुमार लालले बताएका छन् ।
अभियानका क्रममा कक्षा ६ देखि १० सम्म अध्ययनरत छात्रा र १० देखि १४ वर्षका किशोरीलाई स्थानीय तहमा रहेका केन्द्रहरूमार्फत खोप प्रदान गरिएको छ ।
अभियानमा १७ लाख किशोरीलाई खोप दिने लक्ष्य राखिएको छ ।
