बुटवल, ८ मंसिर २०८२
रुपन्देहीको बुटवलमा मृगौला तथा मुत्ररोग सम्वन्धी स्वास्थ्य संवाद् कार्यक्रम सम्पन्न भएको छ ।
मृगौला तथा मुत्ररोगबाट पछिल्लो समय नागरिकहरु दिनप्रतिदिन सिकार हुँदै गएको भारतका मिर्गौला तथा मुत्र विशेषज्ञ डा. अकुर आर्यले बताउनुभयो ।
यदी समयमै उपचार पाउन सके यो रोग निको हुने डा. आर्यको भनाई छ । समयमा उपचार हुन नसक्दा यस रोगले जटिल समस्या निम्त्याउने उनको भनाई छ ।
सिएफसी हेल्थ सोलुसन प्रा.लि बुटवलले आयोजना गरेको स्वास्थ्य संवाद् कार्यक्रममा भारतको न्यू दिल्ली स्थित बिआइके माक्स हस्पिटलका निर्देशक समेत रहेका डा. आर्यले बुटवलका उद्यमी, व्यवसायी, प्रध्यापक, कानून व्यवसायी, सामाजिक अगुवा, महिला र विभिन्न संघ संस्थाका व्यक्तिहरुसंग अन्तरसंवाद कार्यक्रम गरेका थिए ।
बहुसंख्यक नागरिकहरुले आफूलाई मिर्गौला तथा मुत्र लागेपछि उपचार गराउने नेपाल पछिको अर्को मुलुक भारत भएकाले यहाँका नागरिकहरुसंग संवाद् कार्यक्रम गरिएको सिएफसी हेल्थ सोलुसन प्रा.लि बुटवलका संचालक एलपी पाण्डेले जानकारी दिनुभयो।
पाण्डेका अनुसार भारतका १३ वटा अस्पतालहरुसंगको सहकार्यमा नागरिकहरुको उपचारमा सहजीकरण गरिदै आएको छ । भारतको अपोलो अस्पताल, बीएलके म्याक्स सुपर स्पेशालिटी अस्पताल, म्याक्स सुपर स्पेशालिटी अस्पताल, मेदान्त अस्पताल, एमजीएम हेल्थ केयर, मणिपाल, फोर्टिस अस्पताल समूह, आर्टेमिस, नारायण हेल्थ, यशोदा, किम्स, वेङ्कटेश्वर र यथार्थ अस्पतालको सहकार्यमा नेपालका नागरिकहरुको उपचारमा सहजीकरण गरिएको पाण्डेले बताए ।
अन्तर संवाद कार्यक्रममा सहभागी विभिन्न व्यक्तिहरुले आफूलाई लागेका जिज्ञासा राख्नुका साथै मृगौला तथा मुत्र रोग लागेपछिको समस्या, कारण र समाधानका उपायहरुका विषयमा बृहत छलफल भएको थियो । कार्यक्रमको सहजीकरण सिएफसी हेल्थ सोलुसन प्रा.लि बुटवलका संचालक एलपी पाण्डे र विष्णु पन्थले गरेका थिए।
