नेपाल स्वास्थ्य अनुसन्धान परिषदको अध्यक्षमा डा. थापा नियुक्त

काठमाडौं, २५ जेठ २०८२

नेपाल स्वास्थ्य अनुसन्धान परिषद् (एनएचआरसी) को  अध्यक्षमा डा. नारायण बिक्रम थापा नियुक्त भएका छन्।

स्वास्थ्य तथा जनसंख्या मन्त्री प्रदीप पौडेलले मन्त्रीस्तरीय निर्णय गर्दै आगामी चार वर्षका लागि अध्यक्ष पदमा डा. थापालाई नियुक्त गरेका हुन्। डा. थापाले नेपाल मेडिकल काउन्सिलको उपाध्यक्ष भइसकेका छन्।

यसअघि अनुसन्धान परिषद्को अध्यक्ष पदमा रहेका डा. गेहनाथ बरालको कार्यकाल गत चैत्रमा सकिएको थियो।