बैतडी, ५ कात्तिक २०८१
सुदूरपश्चिमका पहाडी जिल्लाहरुमध्ये स्वास्थ्य कार्यालय बैतडी उत्कृष्ट हुन सफल भएको छ ।
कैलालीको धनगढीमा स्वास्थ्य निर्देशनालय दिपायल, डोटीले आयोजना गरेको स्वास्थ्य कार्यक्रमहरुको एकीकृत बार्षिक समीक्षा गोष्ठीमा पहाडी जिल्लाहरुमा स्वास्थ्य कार्यालय बैतडी उत्कृष्ट भएको हो ।
सुदुरपश्चिम प्रदेशका ९ वटा जिल्लाहरु मध्ये स्वास्थ्य कार्यालय बैतडीले तृतीय स्थान हाँसिल गरेको छ।
आर्थिक बर्ष २०८०/०८१ मा सम्पादन गरेका स्वास्थ्य कार्यक्रमहरुको आधारमा स्वास्थ्य कार्यालयहरुको मूल्यांकन गरिएको स्वास्थ्य कार्यालय बैतडीका सूचना अधिकारी विपीन लेखकले बताउनु भयो।
स्वास्थ्य कार्यालय बैतडी ७८.४३ प्रतिशत अंक प्राप्त गर्दै समग्र सुदूरपश्चिममा तेश्रो र पहाडी जिल्लाहरुमा उत्कृष्ट भएको स्वास्थ्य कार्यालय बैतडीका प्रमुख तीर्थराज भट्टले बताए ।
भट्टका अनुसार कार्यालयहरुको बेरुजुको अवस्था, स्वास्थ्य कार्यक्रमहरु समेटिएको बार्षिक प्रतिवेदन प्रकाशन, दुर्गम तथा भौगोलिक क्षेत्र, गुणात्मक मूल्याकंन, स्वास्थ्य कार्यालयहरुद्वारा सम्पादित कामहरु झल्किने फेलेक्स बोर्ड, बित्तीय प्रगति लगायतका सूचकका आधारमा स्वास्थ्य कार्यालयहरुको मूल्यांकन गरिएको हो ।
समग्र सुदूरपश्चिममा स्वास्थ्य कार्यालय कञ्चनपुर प्रथम र स्वास्थ्य कार्यालय कैलाली दोश्रो भएको छ ।
स्वास्थ्य कार्यालय बैतडीका प्रमुख तीर्थराज भट्टले कार्यालयमा कार्यरत सम्पूर्ण कर्मचारीहरुको अथक मेहनत र परिश्रम तथा बैतडीमा कार्यरत स्वास्थ्यकर्मीहरुको लगनशीलताका कारण स्वास्थ्य कार्यालय बैतडीले उत्कृष्ट स्थान हाँसिल गरेको बताए ।
स्वास्थ्य कार्यालयले गत बर्ष सम्पादन गरेका कामहरुको आधारमा समग्र प्रदेशभरी उत्कृष्ट तीनभित्र अटाएकाले आफूहरुलाई काम गर्ने थप हौसला मिलेको स्वास्थ्य प्रमुख भट्टले बताए।
