काठमाडौं, १३ माघ २०८१
शनिबार काठमाडौंमा सम्पन्न स्वास्थ्य पत्रकार मञ्चको छैटौँ राष्ट्रिय अभिवेशनबाट अध्यक्षमा हेल्थ आवाज डटकमका कार्यकारी सम्पादक भिषा काफ्ले सहित १५ सदस्यीय नयाँ कार्यसमिति निर्वाचित भएको हो।
निर्वाचन समितिका अनुसार मञ्चको बरिष्ठ उपाध्यक्षमा मेडिकलपत्र डटकमका सम्पादक बुद्धि कटेल निर्विरोध निर्वाचित भएका छन्। त्यस्तै दुई जना उपाध्यक्ष पदका लागि महेश तिमल्सिना बिजयी भएका छन् भने अर्को पदमा भने सञ्जीता खनाल र शरद शर्माको बराबर मत आएपछि एक एक वर्ष आलोपालो गर्ने सहमति भएको छ।
त्यस्तैगरी महासचिवमा शिवहरि घिमिरे, सचिवमा ज्योति अधिकारी तथा कोषाध्यक्षमा सिर्जना खत्री निर्वाचित भएका छन्।
सदस्यहरुमा उपेन्द्र खड्का, सृजना कार्की, सुरेश खनाल, सन्तोष निरा राई, कृष्ण आचार्य, भोला अधिकारी, लक्ष्मी चौलागाईँ, विना न्यौपाने निर्विरोध निर्वाचित भएका छन्।
अधिवेशनबाट लुम्बिनी प्रदेश संयोजकमा बासुदेव न्यौपाने, बागमती प्रदेशमा वीरबहादुर तामाङ, गण्डकी प्रदेश संयोजकमा मोहसिन अलि मिया निर्वाचित भएका छन्। त्यसैगरी तुलसा घिमिरेलाई प्रवास संयोजकमा निर्वाचित भएकी छन्।
यस अघी सरोज ढुंगेल मन्चको अध्यक्ष रहेका थिए।
