स्याङ्जा जिल्लाको कालिगण्डकी-५ जैपते स्थित श्री बिरेन्द्र मा. बि मा भएको नि-शुल्क स्वास्थ्य शिविर तथा औषधि वितरण कार्यक्रम मा ८७५ जना शिविर बाट लाभान्वित भयका छन ।
स्वयम्भु स्थित मनमोहन टिचिंग हस्पिटलका निर्देशक डा. धर्म दत्त सुबेदीको नेतृत्वमा डा. अर्जुन प्रसाद श्रेष्ठ , डा. मनोर दिन सैयद , डा. दिपक शर्मा, डा. प्रदिप पाण्डे , डा. राकेश मान महर्जन, डा. पियुष पोख्रेल, डा. रिजु महर्जन, अनिता ढकाल,भगवती जमकट्टेल ,अनिता नेपाल र रन्जु पोख्रेल लगायतको टोलीले सेवा प्रदान गर्नु भयको उक्त शिविर भू.पु.बिद्यार्थी मंच,दिपन सुबेदी सुभतारा मेमोरियल ट्रस्ट तथा समाजसेवी याम प्रसाद पाण्डे को पहलमा भयको थियो।
समाजसेवी चिकित्सक डा. सैयदले उक्त शिविरमा भेटिएका पाठेघर सम्बन्धि न्युन आय भएका महिलाहरुलाई नि-शुल्क शल्यक्रिया समेत गरिने जानकारी दिनुभयको उक्त शिविरमा १२१ जनाले भिडियो X-Ray , २८३ जनाले इ.सी.जी. तथा ३२५ जनाको रगत समेत जाँच गरिएको थियो।शिविरमा उच्च रक्तचाप, डाइबेटिस,ग्यास्ट्रिक,हाडजोर्नी र पाठेघर सम्बन्धि रोगीहरुको पहिचान भएको निर्देशक डा. सुबेदीले जानकारी गराउनुभयो।
आफ्नै घर आगनमा राजधानी देखि आएर आफुहरुलाई नि-शुल्क जाँच र औषधि समेत नि-शुल्क पाउदा ७८ बर्षीय महिलाले दंग पर्दै आयोजक संस्थालाई बिशेष धन्यबाद दिदै आगामी दिनहरुमा पनि यस्ता कार्यक्रम लाइ निरन्तरता दिन आव्हान समेत गरिन।
