ललितपुर, १ मंसिर २०८१
काठमाडौंको बतीसपुतलीमा रहेको ग्लोबल आँखा अस्पतालले आफ्नो तेस्रो शाखा ललितपुरको महालक्ष्मीस्थानमा अत्याधुनिक स्तरको सेवा सुबिधा सहित आज उद्घाटन गरेको छ।
दश वर्ष पहिले संचालनमा आएको ग्लोबाल आँखा अस्पतालको दोस्रो शाखा पूर्वको इटहरीमा दक्ष चिकित्सक बाट सेवा प्रदान गर्दै आएको छ। यस आँखा अस्पतालले मोतिबिन्दु लगायत अकुलो प्लाष्टिक शल्यक्रिया नियमित रुपमा सेवा संचालन गर्दै आइएको छ।
अस्पतालले आँखाको समस्या भएकाहरुलाई निशुल्क जनचेतनामूलक कार्यक्रम गर्नुका साथै देश तथा बिदेशमा समेत निशुल्क आँखा शिविर गर्दै आएको अस्पतालका कार्यकारी निर्देशक डा. बेन लिम्बुले बताउनु भयो।
सेवाहरुमा चस्मा जाँच जलबिन्दु रेटिनाको जाँच मोतिबिन्दुको शल्यक्रिया अत्याधुनिक स्तरबाट गर्दै आइरहेको डा. लिम्बुले बताए।
डा. लिम्बुका अनुसार अकुलो प्लाष्टिक आखाको सुन्दरता बढाउने, आँखाको क्यान्सर सम्बन्धि उपचार, आसु नली सम्बन्धि उपचार, अत्याधुनिक मेसिन ओ.सि.टि., भिजुअल फिल दृष्टि परिधी जाँच गर्ने र आँखाको चाप लिने टोनोमिटर लगायत आखाका अत्याधुनिक औजारहरु अस्पतालमा रहेको छ्न । सेवाग्राहीहरुलाई आफ्नो आवश्यकता अनुसारको चस्मा विशेषज्ञ चिकित्सकबाट चेक गराउन पाउने भएका छन् ।
महालक्ष्मीस्थानमा रहेको ग्लोबल आँखा अस्पतालबाट डा. बेन लिम्बू , डा. समता शर्मा, डा. निशा श्रेष्ठ र डा. नबिना सुवालले विशेषज्ञ सेवा दिने भएका छन् ।
यस अस्पतालमा बालबालिका देखि वृद्ध बृदाहरुको लागि विशेष आँखा उपचार रहेको आँखा रोग विशेषज्ञ डा. समता शर्माले बताइन् ।
डा. शर्माका अनुसार अस्पतालले बिरामीलाई प्रत्यक्ष प्रदान गर्ने सेवा बाहेक अन्तर्राष्ट्रिय स्तरको आँखा स्वास्थ्य सम्बन्धि खोज तथा अनुसन्धान गर्नुको साथै जर्नलहरुमा आफ्नो बैज्ञानिक प्रस्तुतीकरण गर्दै आएको छ।
नेपालमा पहिलोपटक यस अस्पतालले बालबालिका सम्बन्धि स्वास्थ्य सम्बन्धि जन्मे देखि आँखाको परीक्षाण बिगत तीन वर्ष देखि गर्दै आएको डा. लिम्बुले बताए।
यस कार्यक्रमबाट ३० हजार भन्दा बढी बालबालिका आँखाको परीक्षण गरी लाभान्वित भइसकेका छन् । साथै यो कार्यक्रम बाट छनोट भएका रोगी बालबालिका लाई ग्लोबल आँखा अस्पतालले निशुल्क उपचार गर्दै आएको छ।
आज एक विशेष कार्यक्रम गर्दै ग्लोबल आँखा अस्पतालले तेस्रो शाखा महालक्ष्मीस्थानमा अस्पतालका सस्थापक डा. बेन लिम्बुको पुजनयी बुवा इन्द्र बहादुर लिम्बू र आमा गौमती लिम्बुबाट अस्पतालको उद्घाटन गरिएको छ।
बिरामीको गुणस्तर उपचार गराउने हितुले चिकित्सक तथा स्वास्थ्यकर्मीलाई पहिले देखि नै तालिम प्रदान गर्दै आएको छ।
उद्घाटन कार्यक्रममा पूर्व मन्त्री, साम्सद तथा ५ सय भन्दा बढी सेवाग्राहीको उपस्थिति रहेको थियो।
