काठमाडौं, २५ माघ २०८०
शहीद गंगालाल राष्ट्रिय हृदय केन्द्रमा पहिलो पटक मुटुको ‘डबल स्वीच शल्यक्रिया’ सफल भएको छ ।
अति जटिल र जोखिमयुक्त मानिने उक्त शल्यक्रिया अहिलेसम्म नेपालमा प्रयास समेत गरिएको थिएन । नवलपरासीको १४ वर्षीया बालिकामा गरिएको उक्त शल्यक्रिया डा. रविन्द्रभक्त तिमला, डा. मरिषा अर्याल, डा. सुजन बोहरा र डा. सन्दीप भण्डारी संलग्न रहेका थिए ।
उक्त बालिकामा सानैदेखि शरीर निलो हुने, दौडिन नसक्ने र बेला-बेलामा अर्धचेत हुने समस्या देखिँदै आएको थियो । ।
प्राविधिक रूपमा ‘सेनिङ’ र ‘रुस्टेली’ नामक दुई वटा छुट्टै शल्यक्रिया गर्न उक्त बालिकाको साढे चार घण्टा मुटु पूरै बन्द गरिएको थियो । यस्तै शल्यक्रिया गर्न करिब १० घण्टा लागेको थियो
