काठमाडौं, २३ मंसिर २०८०
स्वास्थ्य तथा जनसंख्या मन्त्री मोहनबहादुर बस्नेतले आखाँको उपचारमा राज्यको व्यवस्था निरासाजक रहेको बताएका छन् ।
शनिबार धुलिखेलमा रहेको रेयूकाई एईको मासुनागा आँखा अस्पतालको नयाँ ओपिडी भवनको उद्घाटन तथा इन्टरनेशनल अप्थाल्मोलोजी कन्फ्रेन्सको उद्घाटन कार्यक्रमलाई सम्बोधन गर्दै मन्त्री बस्नेतले आँखाको उपचारमा राज्यको व्यवस्था निरासाजक रहेको बताए ।
बस्नेतले आँखा अस्पताल लगायत देशभरका सबै सरकारी र सामुदायिक अस्पतालमा कर्मचारी अभाव रहेको बताउँदै कर्मचारी पदपूर्तीका लागि आफू लागि परेको बताए । उनले छिट्टै कर्मचारी अभावको समस्या समधान हुने आश्वासन दिए । उनले भने (देशभरको अस्पतालमा कर्मचारी अभाव छ एउटा नर्स, डाक्टरले पाँच छ जना बिरामी हेर्नुपर्ने अवस्था छ, आँखा रोगिका लागि पनि चिकित्सक अपरिहार्य छ, तीसदेखि चालिस हजार कर्मचारी पूर्तिका लागि पहल थालेको छु ।
अस्पताल चलाउन भवन, दक्षजनशक्ति र इक्युप्मेन्ट आवश्यक पर्ने बताउँदै स्वास्थ्य क्षेत्रमा ट्डकारो रुपमा देखिएका यस्ता समस्या समाधानमा आफूले कुनै पनि कसरत बाँकि नराखि काम गरिरहेको उनले बताए ।
कार्यक्रममा अस्पताल सञ्चालक समितिका अध्यक्ष मधु आचार्यले समाजिक मन भएकाहरुको सहयोगबाट रेयूकाई एईको मासुनागा आँखा अस्पताललाई उदाहरणिय अस्पताल बनाउन सफल भएको बताउँदै विभिन्न जिल्लामा शाखा विस्तार गरिएको र छिट्टै धरानमा पनि शाखा विस्तार गर्न लागिएको जानकारी दिए ।
आँखा अस्पतालबाट दैनिक चार सयभन्दा बढिले सेवा पाइरहेको बताउँदै अस्पताल सञ्चालन भएको १६ वर्षको अवधिसम्म दशलाख नागरिकले आँखाको उपचार पाएको उनको भनाइ थियो ।
कार्यक्रममा अस्पतालसँग सहकार्य गरेर काम गर्ने अन्तर्राष्ट्रिय संघ संस्था र स्थानीय तहलाई सम्मान गरिएको थियो भने अस्पतालको सेवामा दश वर्ष विताएका कर्मचारीलाई पनि सम्मान गरिएको थियो ।
इन्टरनेशनल अप्थाल्मोलोजी कन्फ्रेन्समा देश तथा विदेशबाट १५० भन्दा बढीको सहभागिता रहने बताइएको छ।
