काठमाडौं, १४ मंसिर २०८२
प्राडा. राजीव झाको अध्यक्षतामा नेपाल न्यूरोसर्जन समाजको नयाँ कार्यसमिति चयन भएको छ ।
न्यूरोसर्जन समाजको हालै सम्पन्न अनलाइन भोटिङ मार्फत भएको निर्वाचनमा डा. झा अध्यक्ष पदमा निर्वाचित भएका हुन् ।
यस्तैगरी समाजको अध्यक्ष निर्वाचितमा प्राडा. अमित थापा, उपाध्यक्ष प्राडा. सुरज थुलुङ, महासचिवमा डा. विनोद राजभण्डारी, कोषाध्यक्षमा डा. समिर अर्याल, सहसचिव डा. सोमराज लामिछाने र डा. किरण निरौला निर्वाचित भएका छन् ।
यस्तै कार्यकारी सदस्यमा डा.अन्जनसिंह कार्की, डा.नरेन्द्रप्रसाद वास्कोटा, डा. पवनकुमार श्रेष्ठ, डा.प्रसन्न कार्की, डा.प्रितम गुरुङ र डा.शेखर श्रेष्ठ दुई वर्षको लागि निर्वाचित भएको प्रमुख निर्वाचन अधिकृत डा. माया भट्टचनले जानकारी दिइन्।
यसअघि कार्यसमितिको अध्यक्षमा डा. यम बहादुर रोका हुनुहुन्थ्यो । 
