काठमाडौं, ३० मङ्सिर २०८१
त्रिवि चिकित्सा शास्त्र अध्ययन संस्थान महाराजगन्ज (आईओएम) को डीनमा प्राडा. मोहनराज शर्मा नियुक्त भएका छन्। त्रिवि कार्यकारी बैठकले शनिबार प्राडा. शर्मालाई डीनमा नियुक्त गरेको हो।
डीनका लागि सिफारीस समितिले डा. शर्मासहित प्राडा. दिव्या सिंह शाह र प्राडा. सुधा बस्नेतको नाम सिफारिस गरेको थियो। प्राडा. शर्मालाई चार वर्षका लागि डीनमा नियुक्त गर्ने निर्णय गरेको हो।
आईओएममा डीन रहेकी डा. दिव्या शाहको कार्यकाल गत असार ३ गते सकिएको थियो। त्यसपछि उनलाई अर्को डीन नियुक्ती भएर नआउँदासम्म जिम्मेवारीमा रहेर काम गर्न पत्र दिइएको थियो।
त्यसैगरी त्रिवि कार्यकारी बैठकले मानविकी तथा सामाजिकशास्त्र संकायको डीनमा प्राडा. द्विविनन्द ढकाल,कृषि र पशुविज्ञान अध्ययन संस्थानमा डा. किशोरचन्द्र दाहाल, शिक्षाशास्त्र संकायमा प्राडा. बेदराज आचार्य, वन विज्ञान अध्ययन संस्थानमा डा. ठाकुर सिलवाल, व्यवस्थापन संकायमा प्राडा. महानन्द चालिसे, इन्जिनियरिङ अध्ययन संस्थानमा सुशिल बहादुर ब्रर्जाचार्य, विज्ञान तथा प्रविधि अध्ययन संस्थानमा प्राडा. शंकर खनाल डीन नियुक्त गरेको छ।
