धादिङ, १२ भाद्र २०८१
धादिङ जिल्ला अस्पतालले मेमो ग्राम सेवा सञ्चालनमा ल्याएको छ । यो सेवा उमेरले चालीस वर्ष नाघेका महिलाहरूमा देखिने स्तन क्यान्सरको प्ररम्भीक जाँचको गर्ने एक विधिमा प्रयोग हुने उपकरण हो ।
सो सेवाको आज बागमती प्रदेश सरकारका स्वास्थ्य मन्त्री किरण थापा मगरले एक कार्यक्रम बिच शुभारम्भ गर्नु भएको हो । आज देखी नै बिरामीको जाँच समेत सुरु गरिएको छ ।
कार्यक्रममा मन्त्री थापा मगरले प्रदेशको जनताको स्वास्थ्य प्रति सरकार उत्तरदायी रहेको बताउँदै जति सक्दो जिल्ला अस्पतालहरूमा सेवा विस्तार गर्ने बताउनु भएको छ ।
मेमो ग्राम सेवा सुचारुसङै यसले महिलाहरूमा स्तन क्यान्सर भए नभएको भन्ने कुरा पत्ता लगाउन सकिने धादिङ अस्पतालका प्रमुख मेडिकल सुपरिटेन्डेन्ट डा. गगन अधिकारीले बताउनुभयो । यसले महिलाहरूमा स्तन क्यान्सर छ भने समयमा नै उपचारका लागी सहज हुने उनको भनाई छ ।
यो सेवा सुचारुभएसंगै अब स्तन क्यान्सरको संङ्का लागेका बिरामीहरूले महँगो सुरुक्क तिरेर राजधानी काठमाडौँ र चितवन जानु पर्ने बाध्यताको पनि अन्त्य हुने डा. अधिकारीले बताए ।
बाग्मती प्रदेश सरकार अन्तरको को स्वास्थ्य मन्त्रालय मातहतका बाग्मती स्वास्थ्य आपूर्ति व्यवस्थापन केन्द्रले एक करोड नौलाख ६१ हजारको लागतमा धादिङ अस्पतालमा जडान गरी अस्पताललाई हस्तान्तरण गरेको हो।
