काठमाडौं , १३ असार
नेपालमा पछिल्लो चौबीस घण्टामा थप ५५४ जनामा कोरोना संक्रमण देखिएको छ । जसमा १२० जना महिला र ४३४ जना पुरुष रहेका छन् ।
स्वास्थ्य तथा जनसंख्या मन्त्रालयले आज गरेको कोरोना ब्रिफिङमा प्रवक्ता डा जागेश्वर गौतमले चौबिस घण्टामा ५५४ जनामा संक्रमण देखिएको बताए ।
यो संगै नेपालमा कुल संक्रमितको संख्या संख्या १२ हजार ३०९ पुगेको छ।
मन्त्रालयका अनुसार संक्रमित हुने जिल्लाहरु ७७ वटै रहेका छन् । आज रसुवा जिल्ला पनि ८ जनामा कोरोना संक्रमण देखिएको छ ।
पछिल्लो २४ घण्टामा थप १३६ जना उपचारपछि निको भएर डिस्चार्ज भएका छन्। जसमा १८ महिला र ११८ जना पुरुष छन् ।
यो सहित डिस्चार्ज हुनेको कुल संख्या २ हजार ८३४ पुगेको छ। जसमा २४२ जना महिला र २ हजार ५९२ जना पुरुष रहेका छन् ।
त्यसैगरी देशभरका बिभिन्न अस्पतालका आइसोलेशनमा ९ हजार ४४७ जना उपचाररत छन् ।
आज थप एकको मृत्यु भएको छ । यो संगै नेपालमा कोरोना संक्रमणबाट मृत्यु हनेको संख्या २८ पुगेको छ ।
