काठमाडौं, २७ मंसिर २०८२
नेपाल मेडिकल काउन्सिल निर्वाचनमा सदस्य पदका उम्मेदवार डा. निशान भुर्तेलले काउन्सिलको सुधारका लागि आफू चुनावी मैदानमा उत्रेको बताएका छन्।
काउन्सिल निर्वाचनको उम्मेदवार नम्बर १९ रहेका डा. भुर्तेलले स्वास्थ्य क्षेत्रमा हुँदै आएका चुनौतीलाई व्यवस्थित समाधान गर्न सक्षम नेतृत्व आवश्यक रहेको बताउँदै काउन्सिलका सदस्यको रूपमा विभिन्न एजेन्डा लिएर चुनावी प्रतिस्पर्धामा उत्रिएका छन्।
बिपि कोइराला स्वास्थ्य बिज्ञान प्रतिष्ठानबाट इन्टरनल मेडिसिनमा एमडी र त्रिवि शिक्षण अस्पताल महाराजगन्जबाट नेफ्रो मेडिसिनमा डिएम गरेका डा. भुर्तेल हाल निजामती कर्मचारी (सिभिल) अस्पतालमा प्रमुख कन्सलटेन्टको रुपमा कार्यरत छन्।
डा. भुर्तेलका एजेन्डाहरु यस्ता छ्न:
१) स्वास्थ्य क्षेत्रमा हुने लापरवाही र गलत अभ्यास रोकथाम:
डा. भुर्तेलले स्वास्थ्य सेवा वितरणमा हुने अव्यवस्था, लापरवाही र गलत अभ्यासको नियमित अनुगमन गरी विश्वसनीय सेवा प्रवाह सुनिश्चित गर्ने उद्देश्य प्रस्तुत गरेका छन्। साथै स्वास्थ्य क्षेत्रमा रोजगारीका अवसरहरू सन्तुलित रूपमा विस्तार गर्ने उनले प्रतिवद्धता जनाएका छन्।
२) गुणस्तर सेवाको प्रवाह:
विभिन्न प्रोफेसनल सोसाइटीहरु सङ्ग समन्वय गरी (protocol Based treatement) को व्यवस्था गर्ने सोच राखेका छ्न।
देश भरीका सम्पुर्ण स्वास्थ्य संस्थाहरुलाई मेडिकल तथा क्लिनिकल अडिट गर्न आग्रह गर्ने सोच राखेका छ्न।
३) चिकित्सकका कानुनी समस्यामा प्रभावकारी हस्तक्षेप
पेसागत जोखिम बढिरहेका बेला चिकित्सकहरूको कानुनी जटिलता समाधानका लागि काउन्सिल–नियत प्रभावकारी कानुनी संयन्त्र विकास गर्ने ।
४) नेपाली चिकित्सकको डिग्री अन्तर्राष्ट्रिय स्तरमा मान्यता
विदेशमा रोजगारी तथा उच्च शिक्षाका अवसर बढाउँदै नेपाली चिकित्सकहरूको विश्वव्यापी पहिचान विस्तार गर्ने लक्ष्यसहित उनले मेडिकल डिग्रीहरूको अन्तर्राष्ट्रिय मान्यता प्राप्त गराउने एजेन्डा अघि सारेका छन्।
५) चिकित्सक र काउन्सिलबीचको दूरी घटाउने:
काउन्सिलको सेवा, पहुँच र संवाद प्रणालीलाई आधुनिक र सहज बनाउँदै चिकित्सकहरूको पहुँच सुधार गर्ने उनलेे बताएका छन्।
६) डाक्टरहरुको स्तर वृद्धि तथा प्रोफेसनल विकास :
नेपाल मेडिकल काउन्सिल बाट मान्यताप्राप्त विभिन्न शैक्षिक कार्यक्रमहरुको गुणस्तर निर्धारण गर्ने तथा Standarized curriculum को व्यवस्था गर्नुपर्ने उनको सोच अगाडि सारेका छ्न।
