विश्वव्यापी रूपमा मनाइने विश्व मुख स्वास्थ्य दिवस २०२६ को अवसरमा ललितपुरस्थित किस्ट टिचिङ हस्पिटलले विविध जनचेतनामूलक कार्यक्रमहरूसहित भव्य रूपमा कार्यक्रम सम्पन्न गरेको छ।
“स्वस्थ मुख, स्वस्थ जीवन” भन्ने सन्देशलाई केन्द्रमा राखेर आयोजना गरिएको उक्त कार्यक्रमले सर्वसाधारणमा मुख स्वास्थ्यप्रति सचेतना अभिवृद्धि गर्न महत्वपूर्ण योगदान पुर्याएको छ।
कार्यक्रम अन्तर्गत आयोजित र्यालीमा विद्यार्थी, स्वास्थ्यकर्मी तथा सर्वसाधारणको उत्साहजनक सहभागिता रहेको थियो। यस माध्यमबाट मुखको स्वास्थ्य कायम राख्न तथा समस्या देखिनुअघि नै समयमा उपचार सेवा लिन जनचेतना फैलाइएको थियो।
साथै, डेन्टल प्रदर्शनीमार्फत मुख तथा दन्त स्वास्थ्यसम्बन्धी जानकारी प्रदान गरिएको थियो भने कला प्रतियोगिताले बालबालिकाहरूको सृजनात्मक प्रतिभालाई उजागर गरेको थियो।
कार्यक्रमलाई थप आकर्षक बनाउन फ्ल्यास मोब, फेस पेन्टिङ, विभिन्न खेलकुद गतिविधिहरू तथा सन्देशमूलक नाटक प्रस्तुत गरिएको थियो, जसले सहभागीहरूलाई मनोरञ्जनसँगै शिक्षाप्रद अनुभव प्रदान गरेको थियो।
यस अवसरमा अस्पतालले विशेष छुट योजनाको घोषणा पनि गरेको छ:
• डेन्टल उपचारमा २५% छुट
• अर्थोडोन्टिक्स (दाँत मिलाउने उपचार) मा १५% छुट
उक्त छुट सुविधा चैत्र १, २०८२ देखि बैशाख ३१, २०८३ सम्म लागू रहने जानकारी गराइएको छ।
कार्यक्रममा सहभागी सम्पूर्ण अतिथि, चिकित्सक, विद्यार्थी, स्वयंसेवक तथा सहयोगी संस्थाहरूलाई हार्दिक धन्यवाद व्यक्त गर्दै यस्ता कार्यक्रमहरूले जनस्वास्थ्य प्रवर्द्धनमा थप योगदान पुग्ने विश्वास व्यक्त गरिएको छ।
