मोरङ, ११ बैशाख २०८१
पूर्वी नेपालको सबैभन्दा ठूलो कोशी अस्पताल सेवा र संरचनामा अब्बल बन्दै गएको छ।
अत्याधुनिक सुविधासम्पन्न निमार्णधिन भवनको लागि साइट क्लियर हुन नसकेको र अहिले साइट क्लियर भएर निर्माणको काम चलिरहेको कोशी अस्पतालका प्रमुख मेडिकल सुपरिटेन्डेन्ट डा. चन्द्रभाल झाले बताउनु भयो।
अस्पतालमा अहिले अनलाइन प्रणाली लागू गरेर व्यवस्थित बनाउन ई-हाजिरीको व्यवस्था र अस्पताल आउने कर्मचारीहरुको अभिलेख हुने गरेको पनि डा. झाको भनाई रहेको छ।
डा. झाका अनुसार ३५० शैयको अस्पतालमा अहिले आकस्मिकदेखि सम्पूर्ण सेवाहरु अस्पतालमा न्यूरो सर्जरी (जटिल प्रकारको शल्यक्रियासमेत) हुने गरेको छ। जनशक्ति
पर्याप्त नभएपनि न्यूरो र यूरो सर्जरीको काम भइरहेको छ।
२ अर्ब १७ करोड ६६ लाख २० हजार २८३ रुपैयाँ लागतमा उक्त भवनको काम भइरहेको छ। सहरी विकास तथा भवन निर्माण विभागले मूल्य अभिवृद्धि करबाहेक २ अर्ब १७ करोड ६९ लाख ९२ हजार २ रुपैयाँ १३ पैसामा कुल लागत अनुमान गरेकोमा ठेकेदार कम्पनी केसी कन्ट्रक्सन काठमाडौंले ३ लाख ७१ हजार ७९९ रूपैयाँ कम लागतमा २ अर्ब १७ करोड ६६ लाख २० हजार २८३ रुपैयाँमा निर्माण ठेक्का लिएको डा. झाले बताए।
कोशी अस्पतालको मेडिकल भवनको निर्माण पूरा भएर सञ्चालनमा आएपछि कोशी अस्पताल एक हजार शय्याको हुने पनि डा. झाले बताए।
अहिले कोशीमा साढे ३ सय शय्यामा सञ्चालन रहेको छ। एक वर्षअधि शिलान्यास भएर निर्माण सुरु भएको ५ तले भवन निर्माणको काम पनि भइरहेको छ। ५ तलाको उक्त भवन ३३ करोड २२ लाख ४८ हजार ९११ रुपैयाँ ३३ पैसामा ठेक्का दिइएको थियो। उक्त जेभीले ठेक्का पाएपछि वि.सं. २०७८ असार २३ गते संघीय आयोजना कार्यान्वयन इकाईसँग सम्झौता गरेपछि २१ असोजमा तत्कालीन स्वास्थ्य तथा जनसंख्या राज्यमन्त्री उमेश श्रेष्ठलाई ल्याएर शिलान्यास गरिएको थियो।
आठ तालाको बन्न लागेको कोशी अस्पतालभित्रको मेडिकल भवन ५०० शय्याको हो। दुई तलाको अन्डरग्राउण्ड
पार्किङ रहनेछ । पहिलो अन्डरग्राउण्ड पार्किङमा ३४ वटा कार, ७७ वटा मोटरसाइकल र मेडिकल स्टोर रहनेछन् ।
त्यस्तै, पहिलो अन्डरग्राउण्ड पार्किङमा २५ कार ८५ वटा बाइकल र मेडिकल कोठा हुनेछ । ग्राउण्ड फ्लोरमा रजिष्ट्रेशन, रोडियोलोजी, ब्लड बैंक, ल्याब, फार्मेसी र
जनरल स्टोर रहनेछ । पहिलो तलामा पिआईसीयू, एनआईसीयु र बच्चाको वार्ड रहनेछ। यो वार्डमा ९१ शय्याको रहनेछ। दोस्रो तलामा ९९ शय्याको अर्थोपेडिक
वार्ड हुनेछ भने तेस्रो तलामा ९१ शय्याको
मेडिकल वार्ड रहनेछ।
यस्तैगरी चौथो तलामा १०३ शय्याको टूमा सर्जिकल वार्ड रहनेछ। जसमा आँखा, नाक, कान, घाँटी, वर्न, डेन्टल र जनरल सर्जरी वार्ड रहनेछन् ।
यसैगरी, पाँचौ तलामा १०० शय्याको ट्रमा सर्जिकल वार्ड रहनेछ । जसमाएसआईसीयु सिटिभिएस न्यूरो सर्जरी लगायतका वार्ड रहनेछन् । छठौ तलामा ३० शय्याको शल्यक्रिया वार्ड रहनेछ। यहाँ ९ वटा मेजर शल्यक्रिया हुनेछ
भने अन्य सामान्य शल्यक्रिया पनि यहि वार्डमा हुनेछ ।
यो वार्डमा सिएसएसडी, पोस्टअप वार्ड पनि रहनेछ। सातौं र आठौं तलामा सेमिनार र मिटिङ हल रहनेछ। ८ तलाको
भवनमा ६ वटा लिफ्ट रहनेछ। डाक्टर र विरामीको छुट्टाछुट्टै लिफ्ट रहनेछ ।
